Со 2,38 промили алкохол во крвта зад воланот: Полицијата приведе 27-годишник во Прилеп

Полициски службеници во Прилеп лишиле од слобода 27-годишен жител на село Десово, откако при сообраќајна контрола било утврдено дека управувал возило под дејство на алкохол.

— реклама —

Случајот се случил на 13 август во 02:30 часот на булеварот „Гоце Делчев“ во Прилеп. Полицајците од ОВР Прилеп го запреле автомобилот „Сеат“ со прилепски регистарски ознаки, кој го управувал Ш.С.

— реклама —

— реклама —

При контролата било измерено присуство од 2,38 промили алкохол во крвта, по што 27-годишникот бил лишен од слобода.

— реклама —

По целосното документирање на случајот, против него ќе следува соодветен поднесок.