Со „фиат“ удрил 48-годишна жена и избегал од местото на несреќата

Полицијата трага по возач кој со автомобил удрил 48-годишна жена на крстосницата меѓу улиците „Борис Сарафов“ и „Крсто Раковски“ во Скопје, а потоа го напуштил местото на несреќата.

— реклама —

Според информациите од Министерството за внатрешни работи, настанот бил пријавен на 5 август во 21:20 часот. Во несреќата, патничко возило „фиат“ удрило во А.С.К. (48) од Скопје, по што возачот избегал.

— реклама —

— реклама —

Жената се здобила со тешки телесни повреди, кои биле констатирани во Градската општа болница „Св. Наум Охридски“ во Скопје.

— реклама —

Увид на местото извршила увидна екипа од СВР Скопје, а полицијата презема мерки за пронаоѓање на возачот и целосно расчистување на случајот.