Со мопед се превртел кај Лезово, тешко повреден 16-годишник

Шеснаесетгодишник од Злетово е тешко повреден во сообраќајна несреќа што се случила на патот Пробиштип–Крупиште, во близина на селото Лезово.

Како што информира МВР, несреќата била пријавена на 13 септември во 15 часот во ОВР Пробиштип. Малолетникот управувал мопед „Априлија“ со штипски регистарски ознаки, при што во еден момент изгубил контрола над возилото и се превртел.

— реклама —

— реклама —

Во несреќата 16-годишникот се здобил со тешки телесни повреди, кои биле констатирани во Јавната здравствена установа „Нада Михајлова“ во Пробиштип.

— реклама —

Увид на местото на несреќата извршила увидна екипа на ОВР Пробиштип.