Со огнено оружје затекнати во строго заштитена зона на Пелистер, приведени тројца

Тројца мажи се лишени од слобода откако биле затекнати со огнено оружје во строго заштитена зона во Националниот парк „Пелистер“.

— реклама —

Случајот се случил на 13 август во 03:00 часот, на местото викано „Голема Грива“. Полициски службеници од Полициското одделение Велушина и криминалистичката полиција при СВР Битола ги лишиле од слобода Н.С. (33) од Битола, Р.Ј. (53) од село Кишава и Б.Г. (48) од Битола.

— реклама —

— реклама —

Од лицата било одземено огненото оружје, а тие биле задржани во полициска станица.

— реклама —

По целосното документирање на случајот, од МВР најавуваат дека ќе следува соодветен поднесок.