Неколку основни училишта во Скопје утринава повторно добиле дојава за поставена бомба. Ваквите дојави предизвикаа паника и страв кај голем дел од основците. Дел од нив, беа земени од родителите.
„Со плачење ми се јави, бараше одма да ја земам дека ќе пукнела бомба“, вели родител чие дете посетува настава во Аеродром.
Меѓу нив е и основното училиште „Димитар Македонски“ во Лисиче. Дојави за бомби добиле и училиштата „Александар Македонски“, „Браќа Миладиновци“ и „Љубен Лапе“ во општина Аеродром.
Учениците се евакуираат, a полициските екипи се на терен.
Во моментов точниот број на училишта кои утринава добиле заканувачка порака за поставена бомба не е познат.
Од МВР потврдуваат дека утринава добиени се дојави за бомби во училишта, а во тек се проверки.
