Со службени возила пренесувале огревно дрво до домовите, кривична пријава за двајца вработени во „Национални шуми“

Надворешната канцеларија за криминалистички работи Свети Николе поднела кривична пријава против двајца жители на Свети Николе, на возраст од 45 и 40 години, поради сомнение за сторено кривично дело „послужување во службата“.

— реклама —

Според пријавата, на 25 мај 2026 година во Свети Николе, двајцата пријавени, кои биле вработени во Јавното претпријатие „Национални шуми“ – Свети Николе, за време на неработни денови неовластено користеле службени возила за сопствени потреби.

— реклама —

— реклама —

Првопријавениот, кој работел како референт за превоз, и второпријавениот, вработен како ракувач со градежна машина, наводно го користеле службениот трактор и теренското возило за да пренесат огревно дрво од реонот на Шумско-стопанската единица „Ѓуриште“ до своите домови во Свети Николе.

— реклама —

За настанот е поднесена кривична пријава, соопшти Министерството за внатрешни работи.