Иако вчера беше најавено дека имунизацијата со руската вакцина „спутник V“ веројатно ќе почне со лицата кои се згрижени во старските домови, сепак, паднала одлука таа да биде употребена за здравствените работници. Причина за тоа е зголемениот број заразени. Тоа ја наметнува потребата за зголемување на капацитетите на ковид-центрите а со тоа и на персоналот што ќе се грижи за ковид-пациентите, објави 360stepeni.mк.
„Поради проширувањето на ковид-капацитети и актуелната состојба, вакцинацијата продолжува со здравствените работници коишто се под висок ризик за добивање на ковид-инфекција, од сите институции во државата“, велат од Министерството за здравство за „360 степени“.
фото: Архива
