Со закани му барале пари и возила поради деловен договор, па му се губи трага: Полицијата трага по маж од тетовско

Маж од тетовско пријавил дека неговиот син бил изложен на притисоци и закани поврзани со договор за деловен простор во Тетово, по што од 13 септември не може да стапи во контакт со него.

— реклама —

Од МВР информираат дека на 14 септември во 10 часот во СВР Тетово, Б.А. (56) од село Горно Палчиште пријавил дека во изминатите денови неколку лица, кои ги познава, вршеле притисок и со закани барале од неговиот син Д.А. да исплати поголема сума пари и да им предаде возила.

— реклама —

— реклама —

Според пријавеното, барањата биле поврзани со договор за деловен простор во Тетово. По упатените закани, од 13 септември Д.А. е недостапен и неговиот татко не успева да стапи во контакт со него.

— реклама —

За случајот е известен јавен обвинител од Основното јавно обвинителство Тетово, а полицијата презема мерки за целосно расчистување на случајот и пронаоѓање на лицето.