Собранието ја констатираше оставката од пратеничката функција на заменик-спикерот Весел Мемеди. Според деловникот за работа на Собранието, Мемеди најпрвин се обрати пред пратениците изразувајќи разочарување од, Зоран Заев и од Али Ахмети.
Мемеди ги критикуваше сега веќе поранешните коалициски партнери, лидерот на ДУИ Али Ахмети и премиерот Зоран Заев за начинот на кој биле реализирани договорите за последната реконструкција на Владата и одземањето на министерската функција во Министерството за локална самоуправа чиј тогашен министер беше Сухејл Фазлиу, како и за начинот на нивното владеење.
Мемеди оставката ја поднесе на 26 јуни затоа што не бил консултиран, односно без негова согласност се сменил министерот за локална самоуправа Сухејл Фазлиу. На местото на Фазлиу се најде Горан Милевски од ЛДП.
