Премиерот Зоран Заев преку социјалните мрежи посочи дека се следи ситуацијата во Албанија, по катастрофалниот земјотрес во кој загинаа над 6 лица, а над 350 се повредени. Тој посочи дека Македонија е подготвена да помогне на секаков начин на соседите.
„Со загриженост ги следиме вестите за големиот земјотрес во Албанија, во Драч и во близината на Тирана. Силината на земјотресот, кој го почувствуваме и ние, ги насочи мислите кон нашите соседи. Најискрено сочувствуваме со најблиските на жртвите, и се надеваме на брзо закрепнување од последиците. Од утрово сме во комуникација со институциите на Албанија и сме подготвени да ја пружиме сета неопходна помош и поддршка“, посочи Заев.
