Времето денеска ќе биде сончево и многу топло, со мала до умерена локална облачност. Во попладневните часови ќе има услови за изолирана појава на пороен дожд и грмежи.
Ќе дува слаб до умерен ветер од променлив правец. Утринската температура ќе се движи од 13 до 22 степени, а дневната ќе достигне од 33 до 39 степени.
Во Скопје ќе преовладува сончево и многу топло време со мала до умерена облачност. Ќе дува слаб до умерен ветер од северозападен правец, а попладне во делови од котлината ќе има услови за краткотраен пороен дожд и грмежи.
Температурата во главниот град ќе се движи од 20 степени во утринските часови до максимални 38 степени во текот на денот.
