Сончево и многу топло време ја очекува Македонија денеска, со температури до 39 степени, а попладне на места ќе има услови за развој на нестабилна облачност со краткотраен пороен дожд и грмежи, информира УХМР.
Според прогнозата, минималните температури ќе се движат од 11 до 22 степени, додека максималните ќе достигнат од 32 до 39 степени. Ќе дува слаб до умерен ветер од северен правец.
Во попладневните часови локално се очекува нестабилност, која може да донесе краткотраен пороен дожд и појава на грмежи.
Во Скопје времето ќе биде сончево и многу топло, со мала до умерена облачност. Ќе дува слаб до умерен ветер од северен правец. Минималната температура ќе се спушти до 19 степени, а максималната ќе достигне 38 степени.
