Сончево и топло време, попладне можни локални невремиња

Времето денеска ќе биде сончево и топло, со мала до умерена облачност, информираат од Управата за хидрометеоролошки работи (УХМР).

— реклама —

Ќе дува слаб до умерен ветер од северен правец, а во попладневните часови се очекува изолирана појава на нестабилност, проследена со краткотраен пороен дожд, грмежи и засилен ветер.

— реклама —

— реклама —

Минималната температура ќе се движи од 10 до 17 степени, додека максималната дневна температура ќе достигне од 29 до 34 степени.

— реклама —

Во Скопје времето ќе биде сончево и топло, со мала до умерена облачност. Попладне во делови од котлината ќе има услови за локално невреме. Ќе дува слаб до умерен северен ветер, а температурата ќе се движи од 16 до 34 степени.