Денеска времето ќе биде сончево со умерена облачност, попладне значително облачно со слаб локален дожд. Ќе дува слаб до умерен ветер претежно од југозападен правец.
Во Скопје максималната дневна температура ќе достигне 20 Целзиусови степени, Маврво 11, Охрид 16, Битола 18, Кавадарци 21, Крива Паланка 16, Берово 15, Дојран 22.
И утре времето ќе биде сончево и топло со мала до умерена облачност. Попладне со локален дожд и појава на ретки грмежи. Ќе дува слаб до умерен северозападен ветер. Дневните температури ќе се движат од 13 степени во Маврово, Охрид 18, Скопје 22 до 25 степени во Дојран.
Во сабота ќе настапи преодно стабилизирање со повисоки дневни температури. Од недела нашето подрачје ќе потпадне под влијание на циклонска активност, која ќе предизвика нестабилно време со обилни врнежи од дожд, локално во форма на невреме со грмежи, засилен ветер и појава на град.
