Денеска времето ќе биде сончево и топло со мала до умерена локална облачност, но попладне се очекува нестабилност со пороен дожд, грмежи и засилен ветер.
На места временските процеси ќе бидат поинтензивни и ќе има услови за невреме со силен ветер, пороен дожд, грмежи и појава на град. Ќе дува умерен, повремено засилен ветер од северен правец.
Минималните температури ќе се движат од 13 до 21 степен, додека максималните ќе достигнат од 28 до 35 степени.
Во Скопје ќе биде сончево и топло со мала до умерена облачност. Во делови од котлината има услови за краткотрајно невреме со пороен дожд, силен ветер, грмежи и можна појава на град.
Ќе дува слаб до умерен ветер од променлив правец, а температурата ќе се спушти до 20 степени во најстудениот дел од денот и ќе достигне до 35 степени.
