Дваесетгодишен мотоциклист е тешко повреден во сообраќајна несреќа што се случила на магистралниот пат Подмолје – Ќафасан, во близина на Струга. Во незгодата повреди добил и пешак.
Од МВР информираат дека несреќата била пријавена на 26 август во 15:20 часот во ОВР Струга. Во неа учествувале патничко возило „голф“, управувано од 61-годишниот Д.П. од Радожда, мотоцикл „кавасаки“, управуван од 20-годишниот Т.Б. од Струга, како и две паркирани возила – „мерцедес“ со албански национални ознаки и „крафтер“ со струшки регистарски ознаки. Во несреќата учествувал и 61-годишниот Б.Д. од Албанија, како пешак.
Мотоциклистот се здобил со тешки телесни повреди, кои биле констатирани во болницата „Св. Еразмо“ во Охрид, додека кај пешакот биле констатирани телесни повреди.
Увид на местото на несреќата извршиле јавен обвинител и полициски екипи.
