Сообраќајка на патот Пробиштип – Плешенци: едно лице тешко повредено

Едно лице се здобило со тешки телесни повреди во сообраќајна несреќа што се случила на локалниот пат Пробиштип – Плешенци.

Според МВР, несреќата била пријавена на 12 август во 15:38 часот, а во неа учествувале патничко возило „пежо“, управувано од 65-годишниот П.П. од Пробиштип, и „шкода фабиа“, управувана од 28-годишната Т.М. од село Плешенци.

— реклама —

— реклама —

Во судирот тешки телесни повреди се здобил М.М., сопатник во возилото „шкода“. Повредите му биле констатирани во Клиничката болница во Штип.

— реклама —

За случајот бил известен јавен обвинител, а увид на местото извршила увидна екипа од ОВР Пробиштип.