Сообраќајна полиција отстрани од сообраќај возач кој возел со 114 кмлометри на час во населено место

Сообраќајна полиција го отстранила од сообраќај 44-годишниот Ќ.Т. од селото Боговиње, гостиварско, кој управувал возило со двојно поголема брзина од дозволената на магистралниот пат Кичево–Охрид.

— реклама —

— реклама —

Како што информира Министерството за внатрешни работи, на 13 јули 2025 година, во 18.05 часот, на делницата кај кичевското село Другово, при контрола во патниот сообраќај, полициските службеници од СВР Охрид утврдиле дека лицето управувало патничко возило „фолксваген голф“ со скопски регистарски ознаки со брзина од 114 километри на час на место каде што дозволената брзина, според сообраќаен знак, изнесува 50 километри на час.

— реклама —

Возачот веднаш бил лишен од слобода. По целосно документирање на случајот, против него ќе биде поднесена соодветна пријава по член 297-а од Кривичниот законик – „безобѕирно управување моторно возило“.