Полициски службеници од СВР Битола на 16.09.2019 извршиле контрола за брзина, управување без возачка дозвола, нерегистрирани возила, непочитување првенство на минување. Притоа, констатирано е дека четири возачи управувале возило без возачка дозвола, пет возила биле нерегистрирани, брзината ја надминале 21 возач, а двајца возачи не користеле сигурносен појас.
Во рамките на сообраќајните контроли кои ги спроведе СВР Тетово во периодот од 09 до 15.09.2019 откриени се 227 пречекорувања на дозволената брзина (Тетово - 167 и Гостивар - 60). Од овие, 170 прекршоци се регистрирани надвор од населено место (ТЕ - 112 и ГВ - 58 ), додека 57 биле направени во населено место (ТЕ - 55 и ГВ - 2). За сите овие прекршоци поднесени се соодветни казни. Во истиот овој период санкционирани се и 20 други видови сообраќајни прекршоци.
