На 07.03.2019 година во 14,45 часот било пријавено дека во Свети Николе на улицата “Младинска“ патничко моторно возило “Опел“ со светиниколски таблици управувано од С.П.(43) од с.Милино удрил во пешакот Д.М.(81) од Свети Николе. Д.М. се здобил со тешки телесни повреди и бил пренесен во Клиничката болница во Штип. Увид на местото на настанот извршила увидна екипа од Полициската станица Свети Николе и се работи на целосно расчистување на случајот.
На 07.03.2019 година во 18,30 часот било пријавено дека на регионалниот пат Прилеп-с.Витолиште Ц.Б. (77) од Прилеп управувајќи мопед „Томос“ изгубил контрола над истиот и паднал на коловозот. Ц.Б. бил пренесен во Градска Болница-Прилеп, каде од страна на лекар констатирани му биле тешки телесни повреди. Увид на местото на настанот извршила увидна екипа од Полициската станица Прилеп.
На 07.03.2019 година во 18,00 часот во СВР-Скопје било пријавено дека на булеварот “Партизански Одреди“ наспроти Трговскиот центар “Порта Влае“ Б.Л. (61) од Скопје управувајќи мопед „Бенели“ изгубил контрола и паднал од мопедот. Б.Л. бил пренесен во комплексот клиники “Мајка Тереза“, каде од страна на лекар констатирани му биле тешки телесни повреди. Увид на местото на настанот извршила увидна екипа од СВР-Скопје и се работи на целосно расчистување на случајот.
На 07.03.2019 година во 18,45 часот во СВР-Скопје било пријавено дека во с.Булачани патничко моторно возило “БМВ“ со скопски регистерски таблици управувано од Д.Б.(28) од с.Булачани-скопско удрило во Б.Р.(59) од с.Булачани- скопско кој туркал мотокултиватор. Во негодата со повреди се задобил Б.Р. кој со возило на Итна медицинска помош бил пренесен во Комплексот клиники “Мајка Тереза“ каде констатирани му биле тешки телесни повреди. Увид на местото на настанот извршила увидна екипа од СВР-Скопје и се работи на целосно расчистување на случајот.
