Сопружници од Скопје, кои се во бракоразводна постапка, меѓусебно се пријавиле за физички напад во семејниот дом на подрачјето на Бит Пазар.
На 9 септември околу 19:40 часот, полициски службеници од СВР Скопје извршиле службен разговор со 50-годишниот маж, откако претходно било пријавено дека околу 15 часот физички ја нападнал неговата 38-годишна сопруга.
Според пријавата, инцидентот се случил во нивниот семеен дом, додека двајцата се во тек на бракоразводна постапка.
Во меѓувреме, и 50-годишникот пријавил дека бил физички нападнат од сопругата. Според неговото тврдење, 38-годишната жена фрлала различни предмети кон него.
Полицијата презема мерки за целосно расчистување на случајот и утврдување на околностите под кои дошло до инцидентот.
