Советничката група на ВМРО ДПМНЕ и Коалицијата за Обнова на Македонија на денешната седница во Советот на Град Скопје гласаше против предложената точка угостителските објекти и мали бизниси да плаќаат такса за поставена урбана опрема во текот на целата година, вклучително и во месеците кога субјектите не ја користат.
„Сметаме дека во услови на тешки бизнис околности, силна енергетска криза со која Владата се соочува на катастрофален начин и инфлација која ги јаде заработките на претпријатијата кои се на работ на издржливост, наметнувањето на обврска да се плаќа такса за урбана опрема за месеците кои таа не се користи ќе преставува дополнително оптоварување на бизнисите.
Донесена е одлука да се отфрли таквиот предлог и претпријатијата и објектите да не плаќаат такса за месеците во кои таа нема да се користи“, стои во соопштението.
