Советот на Град Скопје ја прифати иницијативата на советничката група на СДСМ за предавање на ингеренциите за проектот за реконструкција на Универзална сала на Министерството за култура, потврдија од владејачката партија.
Од СДСМ велат дека реконструкцијата на Универзална сала предолго време стои во место а за реализација на овој проект обезбедени се средства од државниот буџет.
„Универзална е симбол на Скопје, симбол на солидарноста и по реконструкцијата таа треба да им се врати на граѓаните како важен репрезентативен објект во главниот град. Неспособноста на локалната власт на ДПМНЕ е едно но СДСМ иако е опозиција во Советот, продолжува да работи за доброто на Скопје, за доброто на граѓаните.
Сега на потег е градоначалничката на Град Скопје“ велат од СДСМ.
Оттаму апелираат да се прифати одлуката на Советот и реконструкцијата на Универзална сала да ја преземе министерството за култура за овој проект да биде завршен.
Макфакс
