Компанијата SpaceX на Илон Маск го одложи лансирањето на својата огромна ракета „Starship“, а нов обид за долгоочекуваниот тест-лет е најавен за денес.
Веста доаѓа само еден ден откако компанијата ги откри плановите за излез на берза, каде успешното лансирање на новата ракета би можело дополнително да привлече инвеститори за купување акции, пишува Би-Би-Си.
Станува збор за иницијална јавна понуда (IPO) на технолошката берза Nasdaq, која според најавите би можела да биде најголема во историјата на Волстрит. Тргувањето со акциите под ознаката „SPCX“ би можело да започне веќе следниот месец.
Благодарение на уделот што ќе го има во SpaceX, Маск – кој и сега важи за најбогат човек во светот – би можел да стане првиот билионер во историјата.
Илон Маск на социјалните мрежи објави дека причината за одложувањето е неисправен хидрауличен клин на дел од лансирната кула.
