Министерот за внатрешни работи Оливер Спасовски денеска одговарајќи на новинарско прашање во врска со шпекулациите дека во бегството на поранешниот специјалец се вмешани и некои полициски службеници, нагласи дека има разни шпекулации и оти полицијата не смее своите одлуки да ги темели на ниво на шпекулации.
-Ако има одговорност, ако се покаже дека има казнивост ќе влијаеме превентивно на сите идни случувања. Ситемот мора да почне да функционира ако сакаме да имаме правна држава, во која ќе веруваат граѓаните, тоа мора да го прават не само една, туку сите институции, сите заедно да работиме за да ги задоволиме интересите на граѓаните, рече Спасовски.
