Од утре е задолжително носење опрема за лична заштита како маска, марама, шал или што било за да се покријат устата и носот надвор од своите домови, на отворен и затворен јавен простор како и во јавниот сообраќај, истакна на денешната прес конференција техничкиот премиер Оливер Спасовски. Премиерот додаде дека растот на бројот на новозаразените лица е контролиран и тоа се должи и на тоа што граѓаните ги почитуваа сите владини мерки.
„Оваа состојба ќе трае, но сите ние можеме многу да влијаеме таа да трае помалку. Ограничувањата ќе се намалат, но внимателноста на сите ќе се зголеми. Мерките дадоа ефект, бројките ни докажуваат дека стратегијата е добра. Имаме линеарен пораст на бројот на заразените и голем број на оздравени. Три дена по ред имаме повеќе оздравени од заболени лица. Нема опуштање. Бараме одговорно однесување од сите за заштита на луѓето околу нас. Треба да ја зајакнеме индивидуалната одговорност“, рече Спасовски.
фото: Prtsc
