Пресметки на криминални групи, причина за инцидентот со Борис Мутков, познат како Фантом, кон кој било пукано вчера со автоматско оружје додека се возел со својот автомобил марка “мерцедес” во скопската населба Бардовци, вели министерот за внатрешни работи Оливер Спасовски на денешната прес-конференција.
„Тоа се луѓе познати на јавноста по криминални активности. Но, оставам истрагата да покаже и да ги утврди сите факти и да се види дали има поврзност помеѓу групите, настаните…,“, истакна Спасовски.
Министерот Спасовски нагласи дека тоа лице го видел и во Собранието на 27 април.
Инаку, Борис Мутков беше осуден на осуммесечна условна казна затвор за упадот во Собранието од 27 април, заради учество во толпа.
фото: Архива