Специјалците од „Тигар“ меѓу најдобрите 10 снајперски тимови на натпреварот „БОРАН 8“ во Турција

Снајперските тимови на Специјалната антитерористичка единица „Тигар“ освоија деветто место на меѓународниот натпревар во снајперско гаѓање „БОРАН 8“, кој се одржа во Турција, соопшти Министерството за внатрешни работи.

— реклама —

На натпреварувањето учествувале 48 тимови од 22 држави. Првите седум места ги освоиле тимови од Турција, додека осмото место му припаднало на тим од Азербејџан.

— реклама —

Македонските специјалци постигнале особено добар резултат во дисциплината пиштолско гаѓање, освојувајќи 2.098 поени, значително над просекот на натпреварувањето, кој изнесувал 1.173 поени.

— реклама —

Покрај резултатите, тимот на „Тигар“ добил признание и за професионалниот однос и спортскиот дух, пласирајќи се меѓу трите најдобри екипи во категоријата „ферплеј“.

Од МВР истакнуваат дека со постигнатите резултати и професионалниот пристап, припадниците на единицата достојно ја претставиле Македонија на меѓународната сцена.