Спектакл во Пекинг: Ѓоковиќ против Зверев за полуфинале, Германецот ја брка и светската „единица“

Новак Ѓоковиќ и Александер Зверев денеска ќе го одиграат дербито во четвртфиналето на АТП 500 турнирот во Пекинг. Мечот е закажан за 13 часот по средноевропско време, а Србинот ќе се обиде да ја продолжи неверојатната серија без пораз во кинеската престолнина.

Ѓоковиќ во Пекинг има скор од 31 победа и ниту еден пораз и шест освоени титули. Тој се врати на турнирот по пауза од 11 години и досега успеа да ја зачува совршената статистика.

— реклама —

На стартот го совлада Португалецот Нуно Боржеш со 6:3, 7:6, а потоа имаше многу потешка задача против домашниот тенисер Бу Јунчаокете.

Кинезот го освои првиот сет, но Ѓоковиќ направи пресврт и по речиси три часа игра славеше со 4:6, 7:6, 6:2.

— реклама —

Зверев, кој е прв носител во Пекинг, до четвртфиналето стигна без загубен сет. Во првото коло го совлада Камерон Нори со 7:6, 6:4, а потоа убедливо го елиминира Џунченг Шанг со 6:0, 6:3.

Германецот за само 55 минути го заврши последниот меч и во дуелот со Ѓоковиќ влегува значително поодморен.

Дополнителен мотив за Зверев е борбата за првото место на АТП-листата. По повлекувањето на Јаник Синер од Мастерсот во Шангај, Германецот доби можност сериозно да се вмеша во трката за светскиот врв.

— реклама —

За Ѓоковиќ, пак, дуелот ќе биде најголемиот тест на турнирот досега. Тој во претходниот меч имаше физички проблеми и побара медицинска помош, но успеа да го комплетира пресвртот и да ја продолжи победничката серија во Пекинг.

Србинот има и подобар меѓусебен биланс против Зверев – девет победи наспроти пет. Последниот нивни завршен меѓусебен дуел беше на Ролан Гарос во 2025 година, кога Ѓоковиќ славеше во четири сета.

— реклама —

Победникот од денешното дерби ќе обезбеди место во полуфиналето на турнирот во Пекинг.

Дуелот Зверев – Ѓоковиќ е закажан за 13 часот по средноевропско време на централниот терен во Пекинг.