„Спорот со Бугарија треба да биде врз база на реципроцитет, а не врз база на потчинување како што сака Филипче и СДС“, вели Манасиевски

Билатералниот спор меѓу Македонија и Бугарија треба да се решава врз принципот на реципроцитет, а не преку нови отстапки и потчинување, порача портпаролот на ВМРО-ДПМНЕ, Валентин Манасиевски, на денешната прес-конференција.

— реклама —

На прес-конференција, Манасиевски истакна дека Владата останува на ставот дека евроинтегративниот процес мора да биде двонасочен и дека покрај Македонија, и Бугарија треба да ги исполни своите обврски.

„Владата предводена од ВМРО-ДПМНЕ цврсто стои на ставот дека европскиот пат на Македонија не треба да биде еднонасочна улица, туку дека Бугарија треба да ги испорача своите обврски, како што се пресудите од Европскиот суд за човекови права“, рече Манасиевски.

— реклама —

Тој оцени дека граѓаните ја поддржуваат европската перспектива на државата, но во исто време не поддржуваат нови отстапки како услов за членство во Европската Унија.

— реклама —

Манасиевски упати критики кон лидерот на СДСМ, Венко Филипче, обвинувајќи го за, како што рече, „потчинувачка политика“ кон Бугарија и за усогласување на ставовите со официјална Софија.

„Времето кога Македонија водеше потчинета и понижувачка политика заврши. ВМРО-ДПМНЕ нема да дозволи нови понижувања во евроинтегративниот процес на Македонија“, истакна Манасиевски.

— реклама —

Од владејачката партија нагласуваат дека остануваат посветени на европскиот пат на државата, но без прифаќање на нови условувања и отстапки кои, според нив, би биле на штета на националните интереси.