Репрезентацијата на Србија во баскет 3x3 отпатува во Полска, каде од 1 до 7 јуни во Варшава ќе настапи на десеттото Светско првенство.
Српскиот состав во походот кон седмото светско злато ќе го предводи селекторот Марко Ждера, а во тимот се Немања Бараќ, Страхиња Стојачиќ, Андреја Милутиновиќ и Ненад Неранџиќ.
Во стручниот штаб се и тренерот Данило Лукиќ, кондицискиот тренер Александар Милошевиќ и физиотерапевтот Стојан Субашиќ.
Од Кошаркарскиот сојуз на Србија истакнаа дека репрезентацијата во Варшава пристигнува како првопласирана на ФИБА 3x3 ранг-листата, што уште еднаш го потврдува континуитетот на врвни резултати и статусот на Србија како една од најуспешните селекции во историјата на овој спорт.
Србија натпреварувањето ќе го отвори на 1 јуни против Мадагаскар, а истиот ден ќе се соочи и со актуелниот светски шампион Шпанија. На 3 јуни српските баскетари ќе играат против Австралија и Австрија.
Првопласираната репрезентација од групата директно ќе обезбеди место во четвртфиналето, додека второ- и третопласираните селекции ќе разигруваат за пласман меѓу осумте најдобри. Завршницата на шампионатот е закажана за 6 и 7 јуни.
