На 04.04.2019 во 09.00 часот во Полициската станица Кочани било пријавено дека истиот ден околу 08.00 часот во болницата во Кочани со повреди бил донесен Д.М.(31) од Република Србија.
Според пријавеното, тој се повредил при пад од околу седум метри висина, додека изведувал градежни работи на објект во Кочани, како вработен во фирма од Република Србија.
По укажаната помош тој бил префрлен во Ургентен центар при комплексот клиники „Мајка Тереза“ во Скопје.
Увид на местото извршила екипа од Полициската станица Кочани во присуство на инспектор за безбедност и здравје при работа. Се преземаат мерки за расчистување на случајот.
