Полициски службеници на Граничниот премин Табановце лишиле од слобода 49-годишен државјанин на Србија, откако при гранична контрола приложил фалсификувана возачка дозвола, информира Министерството за внатрешни работи.
Според МВР, настанот се случил на 1 август во 18:30 часот при влез во државата. Лицето Б.Б. (49) од Србија допатувало со патничко возило „рено“ со српски национални ознаки.
При извршената гранична контрола, тој на увид приложил фалсификувана возачка дозвола, по што бил лишен од слобода.
За случајот бил известен јавен обвинител, а по неговото целосно документирање ќе биде поднесен соодветен поднесок.
