Српското обвинителство го замрзна имотот на сопственикот на Алта банка, Давор Мацура

Српското Обвинителство за организиран криминал донело мерка со која на сопственикот на Алта банка, Давор Мацура, и на неколку компании поврзани со него им забранило да располагаат со својот имот.

— реклама —

Мерката опфаќа недвижности, земјиште и деловен имот, меѓу кои и околу 35 хектари градежно земјиште на просторот на поранешната фабрика за трактори ИМТ во Нов Белград.

— реклама —

— реклама —

Информацијата ја објави истражувачката мрежа „Инсајдер“, повикувајќи се на документација до која дошле нејзините новинари. Забраната се однесува и на имотот на компаниите „Алта холдинг“, „Алта лизинг“ и „Кампари интернешнл“, која е во целосна сопственост на Мацура.

— реклама —

Опфатен е и неговиот личен имот, вклучувајќи недвижности и земјиште во белградската населба Сењак, објект во Земун Поље, семејна куќа, гаража и земјиште во Сопот, како и гаражи во Нов Белград.