Стара артилериска граната од Првата светска војна била пронајдена во рудникот „Суводол“ во Битола, информира Министерството за внатрешни работи.
Случајот бил пријавен на 17 август во 10:20 часот во Полициското одделение Новаци од страна на 50-годишниот Љ.М. од селото Логоварди, кој е раководител на обезбедувањето во РЕК Битола.
На местото бил повикан пиротехничар од Дирекцијата за заштита и спасување, кој безбедно ја подигнал пронајдената граната.
При проверката било утврдено дека станува збор за артилериска граната со калибар од 125 милиметри, која потекнува од периодот на Првата светска војна.
