Стартуваше 39. Охридски пливачки маратон, Пецаков: „Мирни води на сите пливачи“

Точно во 11 часот денеска започна 39. издание на Охридскиот пливачки маратон, една од најпрепознатливите спортски манифестации што се одржуваат на Охридското Езеро.

Стартот на маратонот го означи градоначалникот на Охрид, Кирил Пецаков, кој на пливачите им посака мирни води и успешна трка.

— реклама —

„Точно во 11 часот започна 39. издание на Охридскиот пливачки маратон. Мирни води на сите пливачи. Се гледаме на целта!“, напиша Пецаков.

— реклама —

На стартот беа присутни учесниците, нивните тимови и организаторите, а пливачите тргнаа во натпреварот по водите на Охридското Езеро.

Охридскиот пливачки маратон со децении е дел од спортската традиција на градот и секоја година привлекува внимание кај домашната публика и љубителите на пливањето.

— реклама —

Градоначалникот објави и фотографии од стартот, подготовките на учесниците и атмосферата покрај езерото.