Ставовите и барањата на Филипче не се разликуваат од бугарските и не му смета ни навредливата придавка ,,северномакедонци", велат од ВМРО-ДПМНЕ

ВМРО-ДПМНЕ преку соопштение изјави дека ставовите на лидерот на СДСМ, Венко Филипче, не се разликуваат од позициите на официјална Бугарија во однос на уставните измени и евроинтеграциите.

— реклама —

Од партијата обвинија дека Филипче е, како што наведуваат, „пиун на Радев“ и „главен лобист за безусловно прифаќање на бугарскиот ултиматум“.

— реклама —

Во партиското соопштение се тврди дека СДСМ и бугарските власти имаат исти барања во однос на внесувањето на Бугарите во Уставот, како и дека Филипче не реагирал на употребата на терминот „северномакедонци“.

— реклама —

ВМРО-ДПМНЕ во реакцијата наведува и дека Филипче е најгласниот поддржувач на уставните измени без, како што велат, гаранции за понатамошниот тек на евроинтегративниот процес.

— реклама —

Партијата побара лидерот на СДСМ јавно да одговори, како што наведуваат, „со што е уценет од бугарски политичари за да води ваква политика“.