(Во живо) Стефан Николоски за откажаното гостување на Тони Михајловски: „Многу ми е криво, со цело срце го поканив“

Стендап-комичарот Стефан Николоски во поткастот „Претрес со Ландов“ проговори за промената во составот на специјалните гости на неговото стендап-шоу, потврдувајќи дека Тони Михајловски сепак нема да настапи. Николоски вели дека искрено жалел што нема да се реализира гостувањето, особено затоа што идејата да го покани актерот имала посебно значење за него.

„Јас треба да ги најдам тие снимки кај што на пет години имитирам „Балкан Кан“. Првпат кога моите дома приметуваат дека сакам да бидам актер или имам афинитети кон тоа, токму поради Тони Михајловски“, раскажа Николоски, објаснувајќи дека токму затоа му дошла идејата да го покани актерот да се врати на стендап-сцената и да направи околу 20 минути настап.

— реклама —

Тој нагласи дека поканата била упатена со искрена желба и дека бил пресреќен од можноста гостувањето да се реализира.

„Со цело срце го поканив да биде гостин. Тоа е тоа, се искомплицираа работите, навистина, мене ми е многу жал“, изјави комичарот.

— реклама —

На прашањето што точно се случило и дали двете страни не успеале да најдат заеднички јазик, Николоски не сакаше да навлегува во детали, посочувајќи дека веќе го кажал она што сакал да го сподели со јавноста.

Николоски категорично отфрли дека станува збор за однапред испланирана драма или маркетиншки трик за привлекување внимание и продажба на билети за неговите настапи во арената.

„Не, не, нема потреба од фејк драма. Се продава втора арена во моментов, за што е потребно тоа?“, праша тој, објаснувајќи дека промените во составот на специјалните гости можат да се случат и кај други концерти и стендап-настани.

— реклама —

Тој појасни дека Тони Михајловски не бил единствениот најавен специјален гостин и дека во наредниот период ќе бидат објавени и другите имиња што ќе бидат дел од шоуто.

Иако гостувањето нема да се реализира, Николоски не ја криеше разочараноста, нагласувајќи дека навистина сакал да го види Михајловски на својата стендап-сцена.

„Многу сакав да се случи, ама тоа е тоа“, порача тој, оставајќи простор за надеж дека можеби во иднина сепак ќе се создадат услови актерот да се врати на стендап-сцената.

Стефан Николовски на „Претрес“: Тони, Тино, Атанас, Љутков, политичарите и „тајните“ зад сцената! Гледај на LANDOV.MK 2:18:21