Нестабилно време со пороен дожд, грмежи и засилен ветер се очекува во делови од земјава, а локално се можни и невремиња со силен ветер и град. Температурите ќе се намалат за неколку степени.
Времето ќе биде променливо облачно со сончеви периоди. Наместа ќе има нестабилност со пороен дожд, грмежи и засилен ветер, а локално временските процеси може да прераснат во невреме со силен ветер и услови за појава на град.
Ќе дува слаб до умерен ветер од североисточен правец, кој наместа повремено ќе засилува. Минималните температури ќе се движат од 10 до 21 степен, додека максималните ќе достигнат од 30 до 37 степени.
Во Скопје се очекува сончево време со мала до умерена облачност. Ќе дува слаб до умерен северен ветер, кој наместа повремено ќе засилува. Минималната температура ќе се спушти до 21 степен, а максималната ќе достигне до 36 степени.
