За вчерашните случувања на протестот против пресудата за петкратното убиство на Смилковското Езеро, свој став даде и директорот на Центарот за управување со кризи, Стојанче Ангелов.
„Скандирањето “УЧК“, “Етничка Албанија”, мавтањето со мапи на “Голема Албанија“ и каменувањето на полицајците кои само си ја вршеа својата работа, за време на вчерашниот протест за Монструм, не одат во прилог на процесот на помирување за кој толку многу зборуваме и се залагаме… Затоа треба да бидат цел на силна општествена осуда од сите општествени фактори. Иако правото на протест е неприкосновено, сепак иритира фактот дека вчера се протестираше против судски пресуди со кои за виновни се прогласени убијци и помагачи на убијци на 5 лица од кои 4 деца… Сето тоа без трошка сочувство кон семејствата на убиените деца. Затоа апелирам! Не треба така, не е добро така. Штетно е за кревкиот процес на меѓуетничко помирување бидејки помирувањето е двонасочен процес во кој активно и внимателно треба да бидат вклучени двете страни, пишува на Твитер, Стојанче Ангелов.
