Стојаноски: Работиме на испорака на реформи и мерки, тоа го потврди и Фон дер Лајен

„Она што е важно е прво да се седне на маса и ние да ги кажеме во Софија нашите аргументи зошто сметаме дека, ако сакаме сите да бидат дел од ЕУ, треба таму да се почитуваме со тоа што сме, а не да креираме политики внатре во ЕУ, од Брисел, кои личат на 19. век“, рече Бојан Стојаноски, пратеник од редовите на ВМРО-ДПМНЕ, во вечерашното издание на емисијата „Колегиум“ на Алфа телевизија, а по повод претстојната билатерална средба, која треба да ја одржи деновиве во Софија.

— реклама —

Според него: „Излишно е потребно ние таму да кажеме кои се нашите црвени линии, затоа што ги имаме сега, а понатаму многу рационално, дипломатски тој дијалог да го направиме еден трипартитен разговор, каде што ќе присуствува и некој од Брисел, бидејќи цело време јас лично имам чувство како на нашиот грб да се кршат сите копја“.

— реклама —

Пратеникот Стојаноски потсети дека при посетата на земјата Фон дер Лајен, освен идентитетските прашања, го изразила и задоволството од начинот на кој се имплементираат реформите, особено Планот за раст, со што, како што вели Стојаноски, државата покажала дека испорачува и е подобра од земјите во регионот.

„Фон дер Лајен не ги споменуваше само идентитетските прашања, таму кажува и една работа која вреди да се напомене, дека е супер задоволна од начинот на кој ние ги имплементираме реформите, особено за Планот за раст“, кажа Стојаноски и додаде:

— реклама —

„Нашата одлука беше ова прашање да го оставиме и да го решаваме со дијалог, додека сето она што ни е домашна задача, спроведувањето реформи, да покажеме дека оваа држава може да биде најдобра во регионот и сме многу подобри и од Косово и од Албанија и од сите земји во регионот, со што може да се види наравот на нашето владеење, сакаме да направиме реформи, сакаме да направиме мерки, сакаме да оставиме дела зад нас“.

— реклама —