Со претседателот на Советот, доктор Ленче Нелоска ги посетивме штитениците од Центарот за помош на лица со ментален хендикеп “Порака”-Неготино за каде обезбедивме донации-покуќнина и прехранбени продукти, вели градоначалникот на Ѓорче Петров, Алексадар Стојкоски.
„Учествувавме на една од нивните ликовни работилници. Задоволство е да се помине утрото со овие лица на кои малку им е потребно за среќа.
Овој центар е многу посветен на својата работа. Ќе работиме заеднички во иднина на повеќе проекти, со акцент на подигнување на свеста за животната средина, менување на навиките за чистотата и едукација за селекција на отпад.
Новогодишните празници се можност да подаруваме и да си помагаме. Голема благодарност до Struzanka и општествено одговорни компании што ни излегоа во пресрет во однос на донациите кои ги поделивме во центарот“, додаде тој.
