🔴(Во живо) Стојна за наплатата на Куклица: 70 до 80 отсто од локалитетот е на приватен имот, само мал дел е државен

Во гостувањето во поткастот „Претрес со Ландов“, Стојна од Куклица, членка на здружението „Извор од Кратово“ и одговорна за информативниот центар на локалитетот „Камени кукли“, зборуваше за начинот на кој се организираат посетите, цените за влез и сопственичките односи на земјиштето околу една од најпознатите туристички атракции во Кратовско.

— реклама —

„Локалитетот лежи на речиси 70 до 80% на приватно земјиште и 20 до 30% државно земјиште, каде што дел од приватното земјиште е наша фамилијарно, а остатокот приватното земјиште, здружението Извор Кратово, има направено договор за трајно користење. И кој ќе дојде на самото земјиште, имаме право да, да им кажеме кои се нашите услови, ако сакаат да го користат самото земјиште“, вели Стојна

Посетителите кои доаѓаат на локалитетот во моментов плаќаат 120 денари, односно две евра, доколку се домашни туристи, и 240 денари, односно четири евра, за странските посетители. Стојна откри дека во текот на сезоната имало и наплата од пет евра, а таа предложила да се воведе единствена цена за сите посетители, без разлика на нивното потекло.

— реклама —

Една од клучните теми во разговорот беше и прашањето што точно добиваат посетителите за платената сума. Според Стојна, здружението не ги раздвојува услугите, туку нуди пакет кој опфаќа користење на просторот, паркинг и туристички информации. На посетителите им се достапни информации за локалитетот, а лицата кои ги пречекуваат треба задолжително да зборуваат македонски и англиски јазик.

— реклама —

Во разговорот беше отворено и прашањето дали граѓаните можат да стигнат до Камените кукли без да платат, движејќи се по државно земјиште. Стојна објасни дека пристапот до државната патека минува преку приватни парцели, дел од кои здружението ги користи врз основа на договори. Посочи и дека постои друг пристап, но за него е потребно околу час и половина пешачење, а и тој повторно води преку семејниот имот.

Стојна потсети дека нејзиното семејство и здружението биле вклучени во туристичкото отворање на локалитетот уште во 2004 година, кога биле изградени патеки и биле преземени активности за Камените кукли да станат достапни за јавноста.

— реклама —

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK Во живо