Стотици училишта во четири земји добија лажни закани за бомби, дел беа евакуирани

Стотици училишта во Северна Ирска, Шкотска, Унгарија и Србија денеска добиле електронски пораки со лажни закани за поставени бомби. Во дел од образовните установи била спроведена евакуација, а властите истражуваат дали инцидентите се меѓусебно поврзани.

— реклама —

Во Северна Ирска, полицијата соопштила дека заканувачка порака добиле до 300 училишта. Според надлежните, електронската пошта била испратена надвор од Велика Британија, а случајот се третира како измама. Министерот за образование изјавил дека некои училишта ја прекинале наставата.

— реклама —

И шкотската полиција истражува закани упатени до неколку училишта, кои ги оценила како лажни предупредувања.

— реклама —

Во Унгарија, закани добиле повеќе од 70 училишта, а голем број биле евакуирани. Сепак, не биле пронајдени експлозивни направи. Министерот за внатрешни работи, Габор Посфај, изјавил дека досегашните истраги покажале оти заканите се неосновани.

Во Србија, пак, повеќе од 100 училишта добиле закани за поставени бомби. Засега нема потврда дали сите случаи се поврзани.