Мострите од излеаната течност во ОХИС ќе бидат пратени во странска лабораторија кога за тоа ќе даде зелено светло Обвинителството. Мострите кои треба да покажат какви се хемикалии и во која количина од токсичниот метил акрилат мономер биле излеани.
Анализите треба да покажат колкава и каква била опасноста и концентрацијата од „метил акрилат мономер“ и дали е сторено кривично дело со кое е предизвикана опасност. Мострите ќе се испитуваат надвор од земјава, бидејќи кај нас нема акредитирано лабораторија за тие параметри, велат од МВР.
Паралелно се чекаат анализите од Биохемиската лабораторија во Штип, кои треба да покажа колкава концентрација отровна материја има во воздухот. Поради тоа припадниците на АРМ утре, повторно ќе излезат на терен.
фото: Архива
