Педесетгодишен жител на Радожда е лишен од слобода откако бил затекнат како управува возило со 2,40 промили алкохол во крвта, информира Министерството за внатрешни работи.
На 6 септември во 00:30 часот, на регионалниот пат меѓу струшките села Калишта и Радожда, полициски службеници сопреле патничко возило „пежо“, управувано од Б. Б. (50) од Радожда.
При контролата било утврдено дека возачот има 2,40 промили алкохол во крвта, по што веднаш бил исклучен од сообраќај. Одземени му биле возилото и возачките документи.
Од МВР информираат дека по целосното документирање на случајот против него ќе биде поднесена соодветна кривична пријава.
