На 01.05.2019 година околу 15.30 часот на регионалниот пат Волковија-Тетово, во близина на тетовското село Радиовце, се случила сообраќајна несреќа помеѓу три патнички возила „Опел“ со тетовски регистарски ознаки што ги управувале Р.О.(18) од Милетино, Р.Д.(44) од Порој и Н.Д.(26) од Радиовце.
Во несреќата, возачот Р.Д. се здобил со тешки телесни повреди, а сопатничката од истото возило М.Д.(40) со телесни повреди.
Двајцата со медицинско возило биле пренесени во тетовската клиничка болница. Увид извршила екипа од СВР Тетово.