Судија во Тајланд се застрелал во судница откако го натерале да ја смени пресудата

Судијата Канакорн Пианкана од Тајланд се застрела со пиштол откако одржа кус говор во полната судница во кој го критикуваше судскиот систем поради тоа што му било наредено да ја смени пресудата.

— реклама —

Тој ослободи петмина муслимани обвинети за убиство. По изрекување на пресудата, ја изговорил судијската заклетва и се застрелал во градите, но го преживеал обидот за самоубиство. Како што пренесува Би-Би-Си, Пијанчана оставил и соопштение, во кое наведува дека трпел притисоци заради овој случај.

— реклама —

,,Ако не си сигурен во нивната вина и немаш доволно докази, немој да ги казниш“ се зборовите на судијата пред да го извади пиштолот.

Портпаролот на судот рече дека Канакорн е однесен во болница откако си стрелал со пиштол во градите и сега не е во опасност, додавајќи дека судијата може да страда од стрес.

— реклама —

Судијата тврди дека и други помлади судии во првостепениот суд, како него, се подложени на истиот притисок.

Судијата ги повикал пратениците да ја изменат судската повелба за да ги спречат постарите судии да ги прегледуваат пресудите на судиите во првостепениот суд пред да бидат изречени во судот.