Судир меѓу автомобил и мопед во Битола, тешко повредена девојка

Дваесетгодишна мопедистка се здобила со тешки телесни повреди во сообраќајна несреќа што се случила вчера во Битола, информира Министерството за внатрешни работи.

— реклама —

Според МВР, несреќата била пријавена на 10 јули во 18:51 часот и се случила на крстосницата меѓу булеварот „1 Ви Мај“ и улицата „Јоргов Камен“. Во судирот учествувале патничко возило „мерцедес“ со битолски регистарски ознаки, управувано од А.К. (50) од Битола, и мопед со битолски регистарски ознаки, управуван од 20-годишната Е.А. од Битола.

— реклама —

— реклама —

По несреќата, мопедистката со возило на Итната медицинска помош била пренесена во Клиничката болница во Битола, каде ѝ биле констатирани тешки телесни повреди.

— реклама —

Увид на местото на несреќата извршила увидна екипа од СВР Битола.