Шеесет и шестгодишен маж се здобил со тешки телесни повреди во сообраќајна несреќа што се случила вчераутро на крстосницата на улиците „15 Корпус“ и „Живко Чинго“ во Охрид, информира Министерството за внатрешни работи.
Несреќата била пријавена на 6 јули во 08:10 часот, а во неа учествувале мопед „Пежо“, управуван од Н.А. (66), и мопед „Ханглонг“, управуван од Д.М. (71), двајцата од Охрид.
Во судирот, Н.А. се здобил со тешки телесни повреди, кои биле констатирани во Специјалната болница „Св. Еразмо“ во Охрид.
Увид на местото на несреќата извршила увидна екипа на СВР Охрид.
